Праклён мітрапаліта Феафіла

«Велебнаму ў Бозе айцу Іосіфу мітрапаліту Кіеўскаму і ўсёй Русі, ад Мікалая Мікалаевіча, ваяводы Віленскага, канцлера гаспадара караля яго міласці Жыгімонта і ад Станіслава Пятровіча, маршалка земскага, старосты гарадзенскага, паклон і прыязнь», — пісаў каралеўскі канцлер, віленскі ваявода Мікалай Радзівіл. Пісаў у Вільні, студзеня ў 25 дзень, проста, без усялякіх «красамоўных вывіхаў, адхіленняў і іншасказанняў». «Паведаем тваёй міласці, што па волі мілага бога, ранейшай гаспадарыні нашай, каралеўскай яе міласці ў жывот не стала. Бог душу яе з гэтага свету ўзяў, засмуціўшы ўсіх нас, падданых гаспадарскіх...» Ці сама памерла вялікая княгіня Алена? Хто павінны ў яе смерці? На старонках гэтай кнігі разгортваецца сапраўдны гістарычны дэтэктыў, захапляльны і рамантычны.